Plantun de Prouvènço

Pèr coumpara dos planto d'encò nostre

Luzula lutea & Stellaria nemorum

Luzula lutea

Juncaceae

Nom en français : Luzule jaune.

Descripcioun :
Lou jounc-pelu-jauno trachis en auto mountagno sus sòu séusous, dins li pelouso à péu-de-chin, Nardus stricta, ounte ié flouris en estiéu. Au contro de si cousin, èi pas gaire pelu pèr un jounc-pelu e fai de lòngui fueio basalo que fan pensa à li de pichòti glaujo. Lis enflourejado, jauno, soun pulèu bèn prouvesido.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Luzula
Famiho : Juncaceae

Ordre : Poales

Coulour de la flour : Jauno
Petalo : 6
Ø (o loungour) flour : 5 à 7 mm
Flourido : Printèms - Estiéu

Sòu : Si
Autour basso e auto : 1800 à 3200 m
Aparado : Noun
Jun à avoust

Liò : Pelouso - Relarg à rousage - Bos clar - Roucas
Estànci : Subaupen à Aupen
Couroulougi : Ouroufito-Éuroupenco
Ref. sc. : Luzula lutea (All.) DC., 1805

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.